Публикации » Йывăç лартма вăхăт çитет

20 апреля 2013 г.

Çуркунне вăй илсех пырать, эппин йывăç лартас вăхăт та çывхарса çитет. Çырма-çатраллă Чăваш Енĕн шыв хĕррисене лартмалли чи вырăнлă йывăç-тĕмĕ вăл - йăмрапа хăва. Çакна чăвашсем ĕмĕрсем тăршшĕ тытса пынă, мĕншĕн тесен вĕсен тымарĕсем çырансене ишĕлесрен тытса тăнă. Ученăйсем палăртнă тăрăх вĕсен тымарĕсем уй-хирсенчен юхса анакан тĕрлĕ удобрени хутăшĕсене те - нитратсене, фосфатсене тасатма пулăшаççĕ. Çак йывăçсемпе тĕмсен хунавĕсене папакĕсем тухиччен хатĕрлесе хумалла. Хунавсем 20-25 сантиметртан, вĕçĕнчи хулăнăшĕ 5-6 миллиметртан кая пулмалла мар. Лартас умĕн талăк хушши шывра тытсассăн вĕсем лайăхрах хунаса кайĕç. Вĕсене юр кайса пĕтсенех лартмалла.

Ю.ЕМЕЛЬЯНОВ,

Тăвайĕнчи участок

лесничествин лесничийĕ.