17 апреля 2013 г.
Eç ыйтaвe, тивeçлe eç укçи eçлесе илесси нумай çамрaксем умне çивeч ыйту кaларса тaратать. Пeрисем aна Мускав, Питер хулисене е ытти регионсене кайса килнипе татса парасшaн, теприсем вара малашлaха тимлeрех пaхса хaйсен eçне пуçарса ярасшaн. Вeсен шутeнче нумаях пулмасть Вaрмар поселокeнче «Вкус Азии» кафе уçнa çамрaк мaшaр - Анна Юрьевнaпа Алексей Николаевич Семеновсем.
Хeвел тухaç апат-çимeçне уяма юратакансем хальччен вeсен техeмне туйма ытти тeрлe тaрaхсене кайса çÿренe пулсан халe хaшeн-пeришeн яппун чeлхинчи кaштах тeлeнмеллерех янaракан суши, ролл апат-çимeçе Вaрмартах тутанма пулать. Кафере Раççей хeлне aсатнa кун чаплa лару-тaрура уçнa. Çак кунтан пуçласа Алексейпе Анна кунта килсе çÿрекенсене яппун кухнипе кeтсе илеççe.
Кунта çитнe май чи малтанах «кил» (кафе) хуçипе паллашрaмaр. Алексей Николаевич Энeшпуç ялeнче çуралнa. Апат-çимeç пeçерме ачаран юратнaскер шкул хыççaн Шупашкарти кулинари училищине вeренме кeрет, квалификациллe повар профессине илнeскере çакa çеç çырлахтармасть, пeлeвне Шупашкарта коопераци техникумeнче ÿстерет, технолог пулса тaрать. Анчах апат-çимeç хатeрлеме юратаканскер пeрремeш профессипех повар пулса шeкeр хулари чи сумлa «Пиценник» пиццерире, ытти ресторансенче eçлет. Çакна та палaртса хaвармалла: Çар ретeнче хeсметре тaнa чухне те вaл чаçре аслa повар пулнa. Çeршер салтака вaхaтра апат-çимeç хатeрлесе парасси пeрре те çaмaл мар, анчах çакa та aна суйласа илнe професси çулeнчен пaрaнтарман. Eçe aнса пырать пулсан та, кашни çын хaйeн пурнaçeн хуçи пуласшaн, çавaнпах eнтe Алексей Николаевич мaшaрeпе, Анна Юрьевнaпа, хaйсен eçне йeркелеме шутлаççe, çав тeллевпе тaван тaрaха - Вaрмара куçса килеççe. Кунта маларах «Сельхозтехника» предприятийe пулнa территорире икe хутлa çуртра пысaк пÿлeм арендaна илсе «Вкус Азии» кафе уçаççe.
Ячe хaйех кунта Хeвел тухaç, тeпрен илсен Япони кухнин, апат-çимeçeпе сaйлани çинчен калать. Алексей тата унaн мaшaрe Анна (вaл та суту-илÿпе çыхaннa профессие алла илет - Шупашкарти коопераци институчeн финанспа кредит факультетeнче пиллeкмeш курсра вeренет) кунта çÿрекенсене юлашки вaхaтра Раççейре анлa сарaлнa пулaпа рисран тата ытти техeмлe тутa кeртекен çимeçсенчен хатeрленe ролл, суши сeнеççe.
Вeсене хатeрлемелли пур оборудовани те пур кунта - aна та вeсем хaйсемех вырнаçтарнa. Çак экзотикaлла çимeçсене хатeрлеме Алексей Николаевичaн опычe те пысaк. 2011 çулта Хeвел тухaçeнчи апат-çимeçе хатeрлекенсен Атaлçи федераллa округeнче ирттернe конкурсра (вaл Хусан хулинче иртнe) Энeшпуç çамрaкe чи хaвaрт тата пахалaхлa суши хатeрленeшeн пeрремeш вырaна тухнa, «Чи лайaх суши хатeрлекен» ята, Хисеп хутне, 20 пин тенкe тата чaн-чaн Яппун çeççине «Самура» тивeçнe. Çавaнпа та иккeленме кирлe мар - «Вкус Азии» кафере чи техeмлe сушипе ролл хатeрлеççe. Вeсене кaна та мар, «Сельхозтехника» пулнa территорире уйрaм çынсен тeрлe предприятийeсем eçлеççe. Туслa мaшaр вeсем валли кaнтaрлахи апат вaхaтeнче яппун ухи, пловe, пахча çимeçрен салатсем, чей хатeрлет.
- Иккeн eлкeрме йывaртарах, - пeлтерет Алексей Николаевич, - çавaнпа та кафере eçлеме поварпа бармен илесшeн.
Паллa eнтe çeнe производство - çeнe eç вырaнeсем. Хальлeхе нумаях мар, паллах, анчах çамрaк предпринимательсен тeллевeсем пысaк. Чaвашла каласан, сывлaш çавaрса ярсан вeсем «Вырaс кухни» кафе те уçасшaн. Чaн та, Раççейре пурaнатпaр пулсан та, пирeн тaрaхра ун пекки паян кун та çук-ха. Эппин çeнe eç вырaнeсем татах та пулeç.
«Чaваш кухни» кафе уçма кaмaл çук-и тесе ыйтсан Алексей Николаевич: «Пурaнса пaхар-ха», - терe. Эппин чaваш çимeçне килте кaна мар, пeр-пeр кафере те Вaрмарта çиме пуласса шанас килет.
В.ТОЛМАТОВ.
Источник: "Урмарская районная газета"