Публикации » Ăсчахсен йышĕ хутшăннă

28 ноября 2012 г.

ЧР Наци библиотекинче Чăваш халăх академийĕн черетлĕ çулталăк пухăвĕ иртнĕ. Унта Халăх хуралĕ (Народный фронт), Ваттисен канашĕ (Совет старейшин), Ял старостисен пуххи, Ентешлĕхсен Канашĕ (Совет землячеств) тата ытти элтешлĕх (гражданские объединения) пĕрлĕхĕсен ĕçĕ-хĕлĕ пирки сăмах пынă. Нумай ĕçлĕ ыйтусем сÿтсе явнипе пĕрлех пирĕн районти икĕ тавра пĕлÿçĕне - Г.Эверскова, «Старые Урмары» кĕнеке авторне тата Мăнçырмасене халалланă «Мусирминцы в борьбе за Победу» кĕнеке хайланă В.Николаева «Чăваш халăх ăсчахĕ» Хисеплĕ ят панă. Я.Зайцев ăсчаха вара Тăван Ене тĕпчев ĕçре пысăк çитĕнÿсем тунăшăн Спиридон Михайлович Михайлов (Яндуш) медалĕ тата Академи Хисеп грамоти парса чыс тунă.