09 ноября 2012 г.
Çак кунсенче РФ Пенси фончĕн Чăваш Республикинчи Управленийĕн Вăрмар районĕнчи уйрăмĕнче тата тепĕр 3 хĕрарăм амăшĕн капиталĕн сертификачĕсене алла илчĕ. Вăрмар район пуçлăхĕ, Пенси фончĕн районти уйрăмĕн начальникĕ М.Пуклаков çемьере иккĕмĕш, виççĕмĕш ача çуратнă амăшĕсене - Мăнçырмари Т.Соловьевăна, Вăрмар поселокĕнчи М.Дмитриевăна, С.Хованскаяна - çак хаклă документа алăран тыттарчĕ, ача çуралнă савăнăçлă пулăм ячĕпе саламларĕ. Михаил Анатольевич хĕрарăмсене сертификатпа усă курмалли йĕркене аса илтерчĕ, тепĕр хут ăнлантарчĕ. Телейлĕ амăшĕсем кашниех сертификатпа епле усă курмаллине планласа хунă ĕнтĕ. Аса илтеретпĕр, амăшĕн капиталĕн сертификачĕ паянхи куна 387,640 тенкĕ те 30 пуспа тан. 2013 çултан пуçласа вара 409 пин тенке яхăн пулĕ.