03 ноября 2012 г.
теççĕ чунпа уçă, çут çанталăкăн кашни пулăмĕпе киленсе пурăнакан çын пирки.
Сăмахăм Кĕлкеш ялĕнче пурăнакан Валентина Петровна Козерова пирки. 1936-мĕш çулта çуралнăскерĕн пурнăçăн тумхахлă çулĕпе сахал мар утма тивнĕ. Анчах та пултаруллă хĕрарăм йывăрлăхсене парăнман, шав малаллах ăнтăлнă. «Россия» совхозра ĕçленĕ, каярахпа ял совечĕн секретарĕнче тăрăшнă. Мăшăрĕпе, Вениамин Петровичпа 7 ача пăхса пурнăçăн анлă çулĕ çине кăларнă. Халĕ Валентина Петровна кĕçĕн ывăлĕн Валерийăн çемйипе пурăнать. Çамрăклах ал ĕç ăстине вĕреннĕскер, паянхи кун та нуски-алсиш, тутăрсем, кофтăсем çыхать. Çак ĕçе кинĕ Аня та хаваспах пурнăçласа пырать. Кил-йышри ĕçсене туса пĕтерсен, вĕсем иккĕшĕ тÿрех хăйсен чун туртакан ĕçне пуçăнаççĕ. Ачисене, çывăх тăванĕсене мĕн тери илемлĕ япаласем çыхса паман-ши вĕсем; Ку е вăл изделие çыхма вĕсем патне вĕренме килекенсем те пур. Пултаруллă хĕрарăмсем хаваспах хăйсен ал ĕç вăрттăнлăхĕсене вĕрентеççĕ.