Публикации » Кăмăлласа вулаççĕ, çавăнпа çырăнаççĕ

20 октября 2012 г.

«Раççей почта çыхăнăвĕ» федераллă патшалăх унитари предприятийĕн Чăваш Республикинчи почта çыхăнăвĕн Управленийĕн Вăрмарти почтамтĕнче вăй хуракан Е.Петрова, И.Васильева, Е.Таценко, Н.Степанова, С.Каланова почтальонсем кашни çырăнтару кампанийĕнчех «Хĕрлĕ ялав» хаçата активлă çырăнтараççĕ. Вăрмар поселокĕнче пурăнакансене тĕрлĕ хаçат-журналсемпе вăхăтра тивĕçтерсе тăраççĕ. Район хыпарçине вара вĕсенчен кашниех 100-шер ытла экземпляр çырăнтарать. «Хĕрлĕ ялав» хаçата поселок çыннисем кăмăлласа вулаççĕ. Вĕсене ытларах район хыпарĕсем интереслентереççĕ. Хăшĕ-пĕри вара унпа чылайранпах туслă», - теççĕ почтальонсем. Хальхи вăхăтра район хаçатне çитес çулхи пĕрремĕш çур çула 400-е яхăн çын çырăннă. Çырăнтару енĕпе ĕçлекен В.Лаврентьева инструктор тата почтальонсем 2013 çулхи пĕрремĕш çур çуллăхра хăйсен умне лартнă тĕллеве тивĕçлипе пурнăçласса шантараççĕ.