20 октября 2012 г.
1974 çулхи март уйăхĕнче редакцире СССР Журналисчĕсен союзĕн пуçламăш организацийĕ йĕркеленет. Чи малтанах районта журналистсен ретне А.Хованский тăнă. Ун хыççăн А.Павлов тата А.Белова Журналистсен союзĕн членĕсем пулса тăраççĕ. Виçĕ членран журналистсен пуçламăш организацине йĕркелеççĕ. Унăн пĕрремĕш председателĕ пулма А.Беловăна суйлаççĕ. Вăхăт иртнĕçемĕн пуçламăш организацин йышĕ хушăнсах пырать. Журналистсен ретне В.Андреев, И.Иванов, В.Миронов, Н.Васильев, В.Афиногенов, П.Петров тăраççĕ.
Вăхăт шунă май халĕ вăл Раççей Федерацийĕн Журналисчĕсен Союзĕ 13 çыравçăна пĕрлештерсе тăрать. Юлашки çулсенче çак союза кĕнисем шутĕнче П.Алексеев, В.Толматов, З.Павлова, В.Гурьева, А.Николаева, В.Цыфаркин, Н.Иванов. Пуçламăш организаци редакци çумĕнче йĕркеленĕ литература пĕрлешĕвĕпе пĕрле журналистсемпе, обществăлла корреспондентсен пултарулăхне ÿстерсе пырас тĕлĕшпе семинарсем ирттерет, вулакансене тарăн содержаниллĕ, кăсăклантаракан материалсемпе тивĕçтермеллине тĕпе хурать.