17 октября 2012 г.
Июлĕн 17-мĕшĕнче Вăрмар-Кавал-Нăрлат автоçул çинче, Кавал ялĕ çывăхĕнче 23 сехет те 30 минутра, ЧР ШĔМĕн муниципалитетсем хушшинчи «Урмарский» уйрăмĕн сотрудникĕсем 1994 çулта çуралнă гражданин тытса пыракан автомашинăна чарнă, унпа пĕрлех Ф. тата П. пассажирсем те пулнă. Автомашина салонне тĕрĕсленĕ хыççăн унта кантăр евĕрлĕ симĕс курăк çыххине тупнă. Экспертсем оперативниксем тытса чарнă машинăра 48 кантăр тĕпĕ - 656,5 грамм тата çак культурăн 69,7 грамм таякан симĕс масси пулнине палăртнă. Çапла вара М., П., Ф граждансен РФ Уголовнăй кодексĕн 228-мĕш статйипе саккуна пăсса наркотикла япаласене илнĕшĕн тата упранăшăн явап тытма тивĕ.