10 октября 2012 г.
Чăваш Ен Пуçлăхĕн М.Игнатьевăн ячĕпе Раççей Паралимп комитечĕн президентĕнчен В.Лукинран телеграмма килнĕ. Унта республикăра Паралимп юхăмне аталантарма пулăшнăшăн тав тунине пĕлтернĕ.
«Çапла пулăшнипе Чăваш Республикинчен тухнă Елена Иванова спортсменка Лондонра XIV Паралимп вăййисенче çав тери лайăх кăтартусемпе палăрчĕ, çăмăл атлетикăра 3 хут ылтăн медаль çĕнсе илчĕ, çăмăл мар кĕрешÿре ыттисенчен иртсе кайрĕ. Паралимп комитечĕ малашне те тачă çыхăнса тухăçлă ĕçлессе шанать», - тенĕ В.Лукин телеграмминче.
(Сăмах май, пĕлекен çăл куçсем пĕлтернĕ тăрăх, Еленăн йăх-несĕл тымарĕсем пирĕн районпа та çыхăннă. Тĕплĕнрех çывăх номерсенче. Ред.).