22 августа 2012 г.
Вăрмар районĕнчи «Урмарытеплосеть» муниципаллă унитарлă предприяти 2012-2013 çулсенчи хутса ăшăтмалли сезона хатĕрленнĕ май, чылай йывăрлăхсем тÿсет. Вĕсенчен пĕри - хăш-пĕр хваттер хуçисем коммуналлă пулăшушăн укçа-тенкĕ вăхăтра тÿлемен пирки парăм кунран-кун ÿссе пыни. Çак парăм кăçалхи сентябрь уйăхĕ тĕлне 3 миллион та 771 пин тенкĕпе танлашрĕ. Парăмçăсен парăмĕсем пысăккине пула пирĕн предприяти чăннипех те йывăр лару-тăрăва кĕрсе ÿкрĕ. Хальхи вăхăтра çут çанталăк газĕшĕн тÿлемелли парăм 6 миллион та 495 пин те 259 тенкĕпе танлашать, электроэнергишĕн вара 1 миллион та 116 пин тенкĕ тÿлес пулать. Предприятин пĕтĕмĕшле парăмĕ 7 миллион та 611 пин тенкĕпе танлашрĕ.
Районти предприятисемпе организацисен руководителĕсем, районта пурăнакансем! Коммуналлă пулăшушăн укçа-тенкĕ вăхăтра тÿлемесен 2012-2013 çулсенчи хутса ăшăтмалли сезона вăхăтра пуçлама йывăртарах пулĕ. Çавăнпа та парăмçăсене коммуналлă пулăшушăн укçа-тенкĕ вăхăтра тÿлеме чĕнсе калатпăр.