18 августа 2012 г.
Çулталăк пуçланнăранпа ЧР суд приставĕсем 1,5 млрд тенкĕ парăма шыраса илнĕ.
ШĔМ, ПАИ, налукçăсем патшалăхăн ытти органĕсемпе пĕрле ĕçлесе бюджета 400 млн тенкĕ ытла хывма май килнĕ. Çав шутра налуксем - 205 млн, суд йышăнăвĕсене пурнăçланă май пухакан сборсем - 43 млн, полномочиллĕ органсен штрафĕсем - 50 млн тенке яхăн. Суд йышăнăвĕсене пурнăçламалли 1,4 пине яхăн йышăну тăрăх 19,3 млн тенкĕ ытла ĕç укçи шыраса илнĕ. Асăннă тапхăрта пĕтĕмпе вĕсен аллинче 621 пин производство пулнă, кашни пристав пуçне - 2,2 пин ытла. Пĕтĕмĕшле цифра пĕлтĕрхи 7 уйăхринчен 51 пин производство чухлĕ нумайрах.
Çакна, паллах, «çÿлте» те кураççĕ, çавăнпах кăçал Чăваш Ен приставĕсен йышĕ палăрмаллах пысăкланнă - тата 140 сотрудник хушăннă.