04 августа 2012 г.
Вăрмар районĕнче ĕçлекен 1094 пенсионерăн пенсине тепĕр хут шутласа тÿрлетÿсем кĕртнĕ. Кусем пурте тенĕ пекех ватлăхпа, инвалида тухнипе тата тăрантаракана çухатнипе пенси илекенсем.
Кашни çулах августăн 1-мĕшĕнчен Пенси фондне тÿленĕ страхлав взносне шута илсе, пенсие çĕнĕрен пăхса тухса тÿрлетÿсем кĕртеççĕ. Çакна çын заявлени çырмасăрах тăваççĕ. Гражданин кăмăл тусан ĕç пенсине урăх вăхăтра та пăхма пултараççĕ. Ун пек чухне августри тÿрлетÿсенчен хăтарма ыйтса заявлени çырмалла. Кашнийĕн пенсийĕ тĕрлĕрен. Çак ĕçпе тивĕçтерекенсем сирĕншĕн мĕн чухлĕ взнос куçарса пынинчен тÿрремĕнех килет. Апла пулсан тÿрлетÿ хыççăн хушăннă укçа та кашнин тĕрлĕ пулĕ. Тĕслĕхрен, Вăрмар районĕнче пурăнакан пенсионерăн пенсийĕ вăтамран 104 тенкĕ те 90 пус ÿснĕ.