Публикации » Вăрланипе мала каяймăн

01 августа 2012 г.

Республика прокуратури коррупципе кĕрешессипе çыхăннă лару-тăрăва пĕтĕмлетнĕ. 2012 çулăн пĕрремĕш çурринче Чăваш Енре коррупци тесе хаклакан 538 преступлени тупса палăртнă (пĕлтĕрхи çак тапхăрти кăтарту – 439), вĕсем тăрăх 280 уголовнăй ĕç (иртнĕ çулта – 378) пуçарнă. Вĕсенчен 67-не прокурорсем судсене ярса панă.

Республикăн право хуралĕн органĕсем кăçалхи январь-июнь уйăхĕсенче сĕтев илнĕ тĕслĕхсене пĕлтĕрхинчен нумайрах тупса палăртнă – 56. Ку преступленисене 17 çын тунă. Асăннă тапхăрта право хуралĕн ĕçченĕсем преступлени туни пирки 42 пĕлтерÿ йышăннă. Вĕсене тишкерсе 18 çын пирки 38 уголовн ăй ĕç пуçарнă.