14 июля 2012 г.
Çак ыйтăва икĕ енчен пăхма пулать: пĕрремĕш вăл - çыннăн тулаш енчи илемĕ, иккĕмĕшĕ вара - чунри хитрелĕх.
Мĕн кĕртетĕп-ха эпĕ чунри хитрелĕх шутне? Çыннăн ырă кăмăлне, вĕçĕ-хĕррисĕр юратăвне, тĕрĕслĕхне, ăнланнине, ним çине те пăхмасăр та каçарма пултарнине, чăн-чăн таса юратупа юратма пĕлнине. Пĕчĕк савăнăçа та пысăк парне пек, телей пек йышăннине те... Кунта тепĕр ыйту çуралать: çынна мĕн илемлетет-ши; Çакăн пек туйăмсене мĕн вăратма пултарать-ха? Атьăр-ха пĕрле шухăшлар.
Çынна çын пулăшать. Ахальтен каламан ĕнтĕ ваттисем: «Этем этеме - эмел», - тесе. Эппин, чун хитрелĕхне чун апачĕ çуратать. Кĕвĕ... Кĕвĕ чуна лăпкăлăх, аса илÿсем парнелет. Кĕвĕсĕр пуçне çынна сăвă та илемлĕх кÿрет.
Паллах çыннăн чунĕпе тулаш енĕ уйрăм çÿремеççĕ: чунра лăпкă пулсан, çакă пит çинче те палăрать.
Ман шутпа, чи кирлĕ япаласенчен пĕри вăл - кулă. Сăнăр-ха эсир, мĕн тери улшăнать çын кулсассăн, чăн-чăнах савăнсассăн.
Эппин, çывăх çыннăра ытларах савăнтарăр, хисеплĕр, юратăр.