04 июля 2012 г.
Мĕн авалтан юхаççĕ хăватлă çăл куçсем Кивĕ Шулхан ялĕ çумĕнче. Анчах та вĕсене пăхса тăмасан вĕсен вăйĕ чакать.
Çавна шута илсе ял çыннисем ниме туса çăл вырăнне тасатса тирпейлеме шутларĕç. Ĕçе пуçарса яма укçа-тенкĕ чылай кирлĕ. Пысăк пулăшу парса В.Зарубина нумай пулăшрĕ - вăл 17 пин, çавăн пекех Г.Григорьев 2 пин тенкĕ пачĕç. Пурте пĕрле пухăнса, кар тăрса ĕçлерĕç Кивĕ Шулхан çыннисем. Уйрăмах М.Портнов, Т.Егоров, А.Павлов, В.Петров, И.Дмитриев, С.Петрова, Т.Павлова, И.Васильева, Е.Иванова, А.Иванов, Л.Зарубина, Г.Александрова, С.Васильев, А.Петров тăрăшса ĕçлерĕç. 3 кун хушшинче кивĕ япаласене сÿтсе вĕр-çĕнĕ çăл куç туса хучĕç. Ял халăхĕ ыйтнипе Павар çăл куçне Мăнçырмари Тихвински Турăшĕн Таса чиркĕвĕн настоятелĕ Леонид аттепе Наталия матушка килсе çветит туса пачĕç. «Çăл куçа тасатасси питĕ пысăк ĕç, унăн шывĕ питĕ сиплĕ, усăллă», - терĕ Леонид атте. Çавăн пекех ял халăхне райадминистрацин организаципе контроль пайĕн пуçлăхĕ Н.Павлов тата Кĕтеснер ял тăрăхĕн пуçлăхĕ А.Егоров ырă ĕçшĕн тав турĕç.