23 мая 2012 г.
Вăрмар районĕнче 2012 çулхи январĕн 1-мĕшĕ тĕлне юридици сăпатĕнчи 122, вак тата вăтам предприяти, 759 уйрăм çын предприниматель ĕçленĕ. Çак сферăра 2098 çын е районти экономика сферинче ĕçлекенсен 43,7 проценчĕ тăрăшнă: çав шутра ял хуçалăхĕнче ĕçлекенсен шайĕ - 27,1 процент, промышленноçра - 26,2 процент, суту-илÿри кăтарту та çав шайрах, çынсене тĕрлĕ енлĕ пулăшу паракансен йышĕ - 18 процент, строительствăра ĕçлекенсен шайĕ вара 2,5 процент. 2007-2011 çулсенче районта «Аван-Полимер», «Алтэцца», «ОВАС» Вăрмарти çĕвĕ фабрики», «ОВАС-спорт», «Светлана», «Нефть-Трэвел», «Котлостроительный завод им.Т.А.Григорьевой», «Котлы Григорьева Н.И.» тулли мар яваплă обществăсем, «Вăрмарти механика завочĕ» акционерсен уçă обществи, В.П.Иванова индивидуаллă предпринимателĕн Энĕшпуçĕнче автозаправка уçăлнă. 2011 çулта вак бизнес системинче 196 хушма ĕç вырăнĕ йĕркеленĕ, предпринимательствăна аталантарма 665 млн тенкĕлĕх инвестици уйăрса панă.