04 мая 2012 г.
Апрелĕн 27-мĕшĕнче «Урмарский» Культурăпа кану центрĕнче хореографи коллективĕсен «Хрустальлĕ пушмак» фестивалĕ иртнĕ.
Пĕтĕм тĕнчери ташă кунне 1982 çултанпа паллă тăваççĕ. Ăна Франци балетмейстерĕ Жан Жорж Новер çуралнă кунĕнче ирттереççĕ (29.04.1727).
Фестивале «Березка» (руководителĕ И.Николаева), «Колосок» (руководителĕ Ф.Васильева), «Зоренька» (руководителĕ Е.Прокопьева), «Ромашка» (руководителĕ С.Васильева) ача сачĕсен коллективĕсем, «Капельки», «Грация» (руководителĕ О.Владимирова), «Джем» (руководителĕ К.Максимова), «Экстрим» (руководителĕ А.Павлова), «Степ» (руководителĕ Р.Петрова) ташă ушкăнĕсем, Мăнçырмари, Аслă Чакри, Кĕтеснерти, Пинерти, Энĕшпуçĕнчи информаципе культура центрĕсен, Çĕнĕ Вĕренерти культура учрежденийĕсен ушкăнĕсем хутшăннă. Çавăн пекех Кĕлкешри «Солнце» (руководителĕ Т.Гаврилова), Вăрмар хула тăрăхĕн «Дрим Герлз» ташă ушкăнĕсем пысăк ăсталăх кăтартнă. Фестивале хутшăннă пур участниксене те район администрацийĕн ячĕпе дипломсем парса чысланă. Çамрăксем пултарулăхне кăтартни малашнехи пурнăçра хăйсене пысăк çитĕнÿсем тума хавхалантарасса шанас килет.