Публикации » Ăрусен çыхăнăвĕ

04 мая 2012 г.

Историпе интересленекенсем 1945 çулта Мускаври Хĕрлĕ площадьре иртнĕ Çĕнтерÿ парадне пирĕн районта 5 çĕнтерÿçĕ çар çынни П.Порфирьев, И.Герасимов, Г.Пульхеровский, Н.Иванов, А.Еремеев хутшăннине пĕлеççĕ. Халĕ кашни çулах иртекен парада Вăрмарсенчен миçе çын хутшăннă-ши - калама пултараймастпăр. Анчах чăн-чăнах çакă паллă: 2011 çулхи майăн 9-мĕшĕнче иртнĕ сумлăран та сумлă мероприятие Кивĕ Вĕренер ялĕнчен икĕ тинĕс çар пехотинесчĕсем С.Ивановпа Ю.Волков хутшăннă. Çакă мĕнле хисеплĕ тивĕç пулнине çарта пулнисем питĕ лайăх ăнланаççĕ. Калининград облаçĕнчи 336-мĕш уйрăм бригадăри пирĕн ентешсене Мускаври парада хутшăнма тивĕç пулни вĕсем çар тивĕçне мĕнле шайра пурнăçлани çинчен те калать. Иртнĕ çулхи асăннă кун ашшĕ-амăшĕсем ывăлĕсене курас тесе телевизор умĕнче тимлĕн пăхса ларнă пулĕ-ха. Паян вара вĕсен сăнне пур район куртăр.