24 марта 2012 г.
Пĕрремĕш пăравуссем Раççейри чукун çулсем тăрăх 150 çул ытла каяллах çÿреме пуçланă пулин те переездсен тытăмĕ унтанпа ытлашшиех улшăнман, çавăнпа та вĕсем урлă каçнă чухне асăрхануллă пулмалла. Водительсен те, çуран çÿрекенсен те правилăсене çирĕп пăхăнмалла, унсăрăн кĕтсех тăр - инкек пулĕ.
2012 çул пуçланнăранпа кăна Раççей чукун çулĕн переезчĕсем çинче водительсен айăпĕпе 22 авари пулнă, 13 çын инкек тÿснĕ, вĕсенчен 5-шĕ вилнĕ. Çул çинчи çак аварисем водительсем йĕркелĕхе пăхăнманнипе çыхăннă. Темшĕн манатпăр-çке пуйăс автомашина мар, ăна тăрук чараймăн! Тормоза васкавлă пуссан та пуйăс 1000 метра яхăн малалла каять.
Автомашина водителĕсем! Пуйăс килменнине курсан çеç переезд урлă каçăр. Хăвăра та, пассажирсене те синкер патне илсе ан çитерĕр. Темиçе минут упраса хăварассишĕн пурнăçпа та сыв пуллашма пулать.