Публикации » Саккунран хăтăлаймăн

21 марта 2012 г.

Вăрмар район прокуратури «Арабоси» агрофирма» тулли мар яваплă обществăра ĕç законодательствине тĕрĕсленĕ май ĕç укçине вăхăтра тата туллин тÿлеменнине тупса палăртнă. РФ Ĕç Кодексĕн 136 статйипе килĕшÿллĕн предприятисемпе организацисенче ĕçлекенсене ĕç укçине çур уйăхра пĕр хутран кая мар тÿлемелле. Район прокуратурине заявленипе В.Семенов пынă. Ăна 2011 çулхи февраль уйăхĕнче «Арабоси» агрофирмăна тĕп агроном вырăнне илнĕ. 2011 çулхи февраль-сентябрь уйăхĕсенче ĕçленĕшĕн В.Семенова ĕç укçине 34400 тенкĕ тÿлесе çитереймен. Тĕрĕслев ĕçĕсем туса ирттернĕ хыççăн 34400 тенкĕлĕх ĕç укçине шыраса илме Вăрмар район судне исклă заявлени тăратнă. Вăрмар район сучĕн 2012 çулхи февралĕн 15-мĕшĕнчи йышăнăвĕпе килĕшÿллĕн район прокурорĕ ыйтнине туллин тивĕçтернĕ.