21 марта 2012 г.
Шыв-шур пуçланать. Çавăнпа та шыв тăракан вырăна (кÿлĕ, пĕве, юхан шыв) лекрĕр пулсан питĕ тимлĕ пулăр, ачасене хăвăртан ан хăварăр, çÿхе пăр çине кĕрсе ан кайăр. Ачасен çурхи каникулĕ пуçланнă май, аслисен вĕсен патне уйрăмах тимлĕрех пулмалла. Хăрушсăрлăх правилине пăхăнсан эсир хăвăрăн тата çывăх çынсен пурнăçне сыхласа хăварма пултаратăр.
Çак правилăсене асра тытмалла:
- Шыв тăракан вырăна пымалла мар;
- Пăр тапраннă чухне унта кĕрсе кайма юрамасть;
- Ишĕлекен çыран хĕрринче ан тăрăр;
- Пăр татăкĕсем патне ан пырăр;
- Çыран хĕрринчен пăр татăкĕсене ан тĕртĕр;
- Шыв тăракан вырăнта тарăнăшне виçме юрамасть;
- Пăр татăкĕпе ан ярăнăр.
Çурхи ейÿ ачасене уйрăмах асăрхануллă пулма ыйтать. Вĕсем ишĕлекен çыран хĕрринче те, çÿхе пăр çинче те выляма пултараççĕ. Çавăнпа та вĕсем ăçта пулнине, вылянине аслисен тĕрĕслесех тăмалла. Аслисен вара çамрăк ăрăва çурхи ейÿ инкек патне илсе çитерме пултарнине ăнлантармалла. Ача-пăча вылянă май çÿхе пăр çине те кĕрсе кайма пултарать, çакăнта путас хăрушлăх пысăк. Шкул ачисен ку вăхăтра уйрăмах тимлĕ пулмалла. Енчен те ку е вăл ача шыва путнине асăрхарăр пулсан, хăранипе киле чупса ан кайăр, пĕтĕм вăйран кăшкăрса çынсене чĕнĕр, карас телефонĕпе 112 номерпе шăнкăравласа пулăшу ыйтăр, сире аслисем илтĕç.