Публикации » «Суйлав - ачасен куçĕпе»

14 марта 2012 г.

Вăрмарти ача-пăча библиотеки тата территорийĕн суйлав комиссийĕ йĕркеленипе февралĕн 1-29-мĕшĕсенче иртнĕ «Суйлав - ачасен куçĕпе» ÿкерчĕксен конкурсне пĕтĕмлетнĕ. Суйлав тематики ачасемшĕн йывăр пулнине пăхмасăрах ачасем конкурса кăсăклансах хутшăнчĕç. Пурĕ 74 ĕç тăратнă. 7-9 çулхисем хушшинче Вăрмарти Г.Е.Егоров ячĕллĕ пĕрремĕш вăтам шкулта 2 «г» класра вĕренекен А.Прохорова çĕнтерÿçĕ пулнă, иккĕмĕш вырăна çак класри К.Борисова тата 3 «а» класри А.Матвеева пайланă, виççĕмĕш вырăна 2 «в» класри П.Константиновăпа 2 «б» класри А.Короткова йышăннă. 10-11 çулхи ачасем хушшинче 4 «б» класри Д.Владимирова çĕнтернĕ, иккĕмĕш вырăна 4 «б» класри М.Чернова, виççĕмĕш вырăна 4 «в» класри С.Корнилова йышăннă. 13-14 çулхисем хушшинче 8 «а» класри М.Матвеева çĕнтернĕ. Конкурса тăратнă ĕçсемпе Вăрмарти суйлав участокĕнче паллашма май пулнă.