14 марта 2012 г.
Республика Пуçлăхĕ М.Игнатьев Федерацин Никама Пăхăнман Патшалăхсен Пĕрлĕхĕн (НППП), чикĕ леш енче пурăнакан йăхташсен тата çĕршывсен гуманитари ĕçтешлĕхĕн ыйтăвĕсемпе ĕçлекен агентствин çĕнĕ ертÿçипе, Раççей Президенчĕн НППП йышĕнчи патшалăхсемпе çыхăну тытас енĕпе ĕçлекен ятарлă представителĕпе К.Косачевпа курнăçнă. Вăл республикăра ĕçленĕ çулсем пĕлтерĕшлĕ пулнине палăртнă. «Федерацин влаç органĕсенче тата НППП анлăшĕнче хама малашне те Чăваш Ен представителĕ пек туйăп. Çĕнĕ статуспа ĕçлеме пуçланă май манран официаллă майпа пулăшу ыйтни шăпах юратнă Чăваш Енпе, инвесторсемшĕн питĕ илĕртÿллĕ регионпа, çыхăннинче хăйне евĕр символ куратăп», - тенĕ К.Косачев.
М.Игнатьев К.Косачева Чăваш Енĕн социаллă экономика аталанăвне пысăк тÿпе хывнăшăн «Чăваш Республики умĕнчи тава тивĕçлĕ ĕçсемшĕн» орден медалĕпе наградăланă.