07 марта 2012 г.
Районти прокуратура «Водоканал» тулли мар яваплă обществăра тĕрĕслев ирттернĕ. Унăн вăхăтĕнче халăха сивĕ шывпа тивĕçтерес енĕпе саккуна пăснă тĕслĕхсем тупса палăртнă.
«Халăхăн санитарипе эпидемиологи ăнăçлăхĕ» Федераллă саккунăн 19-мĕш статйин 3-мĕш пайне пăсса общество халăха хăш-пĕр чухне шывпа тивĕçтермен.
Тĕрĕслев ирттернĕ вăхăтра Вăрмар поселокĕнчи Заводская урамри 27-мĕш çуртри 20, 13, 6, 10, 9, 11, 15, 17 хваттерсенче февралĕн иккĕмĕшĕнчен пуçласа вун улттăмĕшĕччен шыв пулманнине палăртнă. Район прокурорĕ «Водоканал» тулли мар яваплă обществăн директорĕ Ю.Иванов пирки административлă йĕркелĕхе пăснăшăн ĕç пуçарасси пирки Постановлени кăларнă. Ю.Иванов ячĕпе саккуна пăснă тĕслĕхшĕн представлени тăратнă.
Халăх ыйтăвĕсене тĕрлĕ службăсем мĕнле пурнăçласа пынине район прокуратури хальччен те, малашне те тĕрĕслесех тăрĕ.