25 февраля 2012 г.
Çак кунсенче районти пур суйлав участокĕсенче те, вĕсем пирĕн районта пурĕ 43, линипе техника çыхăнăвĕн ĕçченĕсем веб-камерăсем вырнаçтарса пĕтернĕ. Веб-камерăсем мĕнле ĕçленине ЛТЦ сотрудникĕсем кашни кунах тĕрĕслесе тăраççĕ. Шăпах çывхарса килекен суйлавпа çыхăннă ыйтусене сÿтсе явассипе районти Культурăпа кану çуртĕнче канашлу иртрĕ. Унта райадминистрацин пуçлăхĕ К.Никитин, ЧР Тĕп суйлав комиссийĕн председателĕн заместителĕ П.Куприн, Вăрмар районĕнчи суйлав комиссийĕн председателĕ Л.Кузьмина, РФ Шалти ĕçсен министерствин муниципалитетсем хушшинчи «Урмарский» уйрăмĕн начальникĕн заместителĕ А.Софронов, районти пур суйлав участокĕсенчи суйлав комиссийĕсен членĕсем хутшăннă. Канашлура участоксенче иртекен суйлава видеокурав урлă пăхма май паракан мелсемпе паллаштарнă, хăрушсăрлăх правилисене йĕркелес, открепительнăй удостоверенисемпе тивĕçтерес, суйлавçăсен списокĕсене пăхса тухас ыйтусене сÿтсе явнă. Веб-камерăсем урлă суйлав еплерех иртнине пăхас текен граждансен çак сайтра регистрациленмелле:
http://webvybory2012.ru/auth.