22 февраля 2012 г.
Çĕршыв хÿтĕлевçисен кунĕ.
16-мĕш ĕмĕрĕн çурриччен Руçре регулярлă çар пулман. Ятарлă çар чаçĕсене 1550 çулта IV Хаяр Иван патша йĕркеленĕ. 1917 çулхи Октябрьти революци хыççăн Раççей пĕрремĕш тĕнче вăрçинчен тухни çинчен пĕлтерет. Кивĕ çар саланса каять, большевиксем умне çĕнĕлле çар йĕркелес ыйту тухса тăрать.
1918 çулхи январĕн 15 (28)-мĕшĕнче Халăх комиссарĕсен Совечĕ Хĕрлĕ Çар тăвасси пирки Декрет йышăннă.
Историрен паллă: çав çулхи февралĕн 23-мĕшĕнче Хĕрлĕ Çарăн отрячĕсем Петроград çывăхĕнче шурă гвардеецсен чаçĕсемпе çапăçăва кĕреççĕ. Çак куна Хĕрлĕ Çар, каярах Совет Çарĕпе Тинĕс - Çар флочĕн кунĕ тесе паллă тума тытăннă. 1993 çулхи февральте Раççей Федерацийĕн Верховнăй Совечĕн Президиумĕ унăн ятне улăштарса Тăван çĕршыв хÿтĕлевçи кунĕ тесе уявлама тытăннă. 1994 çулхи декабрĕн 15-мĕшĕнчен Çар Мухтавĕн кунĕ шутланать. Çак уяв паянхи кун Раççейри миллионшар арçыншăн питĕ пĕлтерĕшлĕ.