11 февраля 2012 г.
ЧР Пуçлăхĕ М.Игнатьев РФ Патшалăх Канашĕн ĕçлĕ ушкăнăн пуçлăхĕ пулнă май Мускавра лару ирттернĕ. Унта РФ Патшалăх Канашĕнче сÿтсе явмалли доклад материалĕсене сÿтсе явнă. Тĕп ыйту пултаруллă ачасемпе çамрăксене патшалăх енчен пулăшу парасси тавра пынă. Лару РФ Президенчĕн Администрацийĕнче иртнĕ.
М.Игнатьев çĕршыв пуласлăхĕ пултаруллă çамрăксенчен килнине, çавăнпа та Раççейре вĕсене пысăк тимлĕх уйăрнине палăртнă. Ахальтен мар ĕнтĕ Раççей Президенчĕ Д.Медведев çамрăксем стратегиллĕ ресурс пулнине палăртнă.
Чăваш Ен Пуçлăхĕ 2003 çултан «Раççей ачисем» федераллă тĕллевлĕ программа ĕçлеме пуçланă хыççăн пур федераллă округсенче пултаруллă çамрăксене аталантарма центрсем уçнине палăртнă.
Лару вăхăтĕнче пĕлтерĕшлĕ ытти ыйтусене пăхса тухнă.