08 февраля 2012 г.
Кашни тавралăхра паллă çынсем чылай. Манăн сăмахăм А.Павловская çинчен пулĕ. Пĕчĕк Енккассинче çуралса ÿснĕ хĕр вĕрентекен çулне суйласа илнĕ, унăн кун-çулĕ вара литературăпа тачă çыхăннă. Илем тĕнчин çулĕ тыткăнланă пулинех Ангелина Ивановнана - унпа пĕр вăхăтрах институтра пулас паллă çыравçăсем Д.Гордеев, В.Тимаков, П.Эйзин, Ф.Агивер вĕреннĕ-çке. Вĕсен пултарулăхне кура А.Павловская та çырма пуçланă, унăн ĕçĕсем «Тăван Атăл», «Ялав» журналсенче пичетленсе тухнă. Часах уйрăм кĕнекесем те кун çути курнă, автор хăйĕн калавĕ-повеçĕсене, мĕнле çырни пирки тĕл пулусенче каласа пама кăмăллать. Вăл Пысăк Енккассинче 10-мĕш класра вĕренекенсемпе тĕл пулчĕ. «Сапаскар хĕрĕ» кĕнекен историйĕпе паллаштарчĕ. Ачасем Ангелина Ивановнана тĕрлĕ ыйтусем пачĕç.