25 января 2012 г.
Кĕтеснер ял тăрăхĕн пуçлăхĕ вăхăт çитмесĕрех хăйĕн полномочийĕсене пурнăçлама пăрахнă май ял тăрăхĕн депутачĕсен Пухăвĕ 2011 çулхи декабрĕн 13-мĕшĕнчи 40-мĕш номерлĕ Йышăнăвĕпе килĕшÿллĕн Кĕтеснер ял тăрăхĕн пуçлăхĕн суйлавне 2012 çулхи мартăн 4-мĕшĕнче РФ Президенчĕн суйлавĕпе пĕрле ирттерме йышăннă. Вăрмар территорийĕн суйлав комиссийĕ кандидатсенчен тивĕçлĕ хутсем йышăнса регистрацине вĕçленĕ. Кĕтеснер ял тăрăхĕн пуçлăхĕн вырăнĕшĕн кĕрешекен пĕрремĕш кандидатпа паллашма сĕнетпĕр.
Сергей Витальевич Викторов, 1973 çулта Вăрмар районĕнчи Кĕтеснер ялĕнче çуралнă, вăхăтлăха ĕçлемест. Кандидатурине «Единая Россия» политика партийĕн районти уйрăмĕ тăратнă. Вăрмар территорийĕн суйлав комиссийĕ кандидата 2012 çулхи январĕн 22-мĕшĕнче 11 сехет те 55 минутра регистрациленĕ. Çакăн çинчен калакан удостоверение панă.