13 января 2012 г.
Раççей Президенчĕн «Раççей Федерацийĕн Патшалăх Канашĕн президиумĕ çинчен» хушăвĕпе Чăваш Республикин Пуçлăхне М.Игнатьева Раççей Федерацийĕн Патшалăх Канашĕн президиумне кĕртнĕ. Патшалăх Канашĕн президиумĕн çĕнĕ йышĕнче - Раççейри сакăр регион ертÿçи.
Палăртса хăварар:
Патшалăх Канашĕн президиумне васкавлă ыйтусене татса пама йĕркеленĕ. Çак орган Патшалăх Канашĕн ĕç планне, унăн черетлĕ ларăвĕн кун йĕркине пăхса тухать, çавăн пекех Патшалăх Канашĕн йышăнăвĕсене пурнăçланине тишкерет. Президиум ларăвĕсене кирлĕ чухне, тĕпрен илсен уйăхне пĕр хутран ытла мар ирттереççĕ.
Патшалăх Канашĕ çинчен калакан положенипе килĕшÿллĕн президиум йышне çур çулта пĕр хут улăштараççĕ.