Публикации » Илемлĕ ташă-юрăпа савăнтарчĕç

29 ноября 2011 г.

Пысăк Енккасси шкулĕнче ашшĕ-амăшĕсен пухăвĕ иртрĕ.

Амăшĕн кунне халалласа вĕренекенсем амăшĕсене ташă-юрăпа савăнтарчĕç. Концерта ачасен хорĕ пуçларĕ, вĕсем В.Гаврилинăн «Мама» юррине юрларĕç. 5а класс хĕрĕсем «Моя мама лучшая на свете» композицине чун-чĕререн шăрантарчĕç. 3-4 класс ачисен хорĕ «Мамочка, любимая» юрăпа савăнтарчĕ. Илĕртÿллĕ тум тăхăннă 1 класс хастарĕсем Т.Кудряшова аслă вожатăй ертсе пынипе «Колобок» ташă кăтартрĕç. Юлашкинчен юрланă «Мама, первое слово» юрă вара уйрăмах амăшĕсен чунне тиврĕ. Çапларах чыслани ашшĕ-амăшĕшĕн ачасенчен пысăк парне пулчĕ. Малашне те çывăх çынсене илемлĕ концертпа савăнтарасчĕ.