29 ноября 2011 г.
Ноябрь уйăхĕн вĕçĕнче Вăрмарти 3-мĕш номерлĕ «Шуçăм» ача садĕнче Амăшĕн кунне ирттерчĕç.
Шкул çулне çитмен ачасен кашни ушкăнĕсенче амăшĕсем валли уявсем хатĕрленĕ. Амăшĕсем те ача садне йышлăн пухăнчĕç. Ачасем тĕрлĕ çепĕç юрăсемпе, ташăсемпе, сăвăсемпе, сценкăсемпе куракансене савăнтарчĕç. Амăшĕсем тĕрлĕ конкурссене хутшăнчĕç, ачасемпе пĕрле кулăшла вăйăсем те вылярĕç. Илемлĕ юрă, кĕвĕ çемми чылайччен янăраса тăчĕ. Амăшĕсем уявпа питĕ кăмăллă юлчĕç. Хăйсен пултаруллă ачисем çине пăхса савăнчĕç. Ку коллективра ĕçлекенсене тав сăмахĕсем каларĕç.