Публикации » Асра юлчĕ

25 ноября 2011 г.

Шкулта кĕркунне ячĕпе уяв пуласси çинчен пĕлтернĕччĕ. Ун валли нумай хатĕрлентĕмĕр. Акă кĕтнĕ кун та çитрĕ: пирĕн пата «хăнасем» килчĕç. Аякран мар, хамăр ялсемех - ача садне çÿрекенсем. 2-3 класс ачисене паллама та çук: пурте çимĕçсем евĕр «тумланнă». Тăваттăмĕшсем «Кĕр парни» курав валли пахча çимĕçсенчен тĕрлĕрен илемлĕ япаласем ăсталанă. Уяв вăхăтĕнче эпир юрăсем шăрантартăмăр, сăвăсем вуларăмăр, конкурссене хутшăнтăмăр. Учительсем пирĕн тавра курăма пуянлатмалли чылай ыйту хатĕрленĕ, ăмăртсах хуравĕсене шырарăмăр. Ача садне çÿрекен ачасене эпир тутлă апат-çимĕçпе хăналарăмăр. Киле те пушă алăпа ямарăмăр - хамăр ăсталанă ÿкерчĕксем парнелерĕмĕр. Уяв пире питĕ килĕшрĕ, нумайлăха асра юлĕ вăл.