25 ноября 2011 г.
Мăнçырмари пĕтĕмĕшле вăтам пĕлÿ паракан шкулта халăх пĕрлĕхĕн кунне халалласа ял тăрăхĕн администрацийĕ пуçарнипе спорт вăййисем пулса иртрĕç. Шкулти спортзалра ялти волейбол командисем, фойере сĕтел çинче теннисла выляса уйрăм спортсменсем ăмăртрĕç.
Уйрăмах куракансене вырăссен шашки енĕпе ирттернĕ чемпионат тата ял тăрăхĕнче мала тухассишĕн ирттернĕ ăмăрту кăсăклантарчĕ. Аслăрах çулсемпе пĕрлех çамрăк спортсменсем хăйсен ăсталăхне кăтартрĕç. Çивĕч кĕрешÿсенче опытлă ветерансем, спорт мастерĕн кандидачĕ Ю.Михайлов 1-мĕш, Н.Иванов 2-мĕш, - асăннă шкулта вĕренекен Ю.Емельянов 3-мĕш вырăнсене йышăнчĕç. Мала тухнисене ял тăрăхĕн пуçлăхĕ В.Семенов грамотăсем тата укçан парнесем парса чысларĕ, ăмăртусене хастарлă хутшăннăшăн тав турĕ.