15 ноября 2011 г.
Тыр-пул çитĕнтерекенсем, выльăх-чĕрлĕх пăхакансем тата тирпейлекен промышленноçра вăй хуракансем ноябрĕн 11-мĕшĕнче Ял хуçалăх тата тирпейлекен промышленноç кунне паллă тума Чăваш патшалăх оперăпа балет театрне пухăннă.
Пирĕн районтан унта райадминистрацин пуçăлхĕ К.Никитин ертсе пыракан делегаци хутшăннă, ун шутĕнче - курăмлă çитĕнÿсем тунă тĕрлĕ шайри хуçалăхсен ертÿçисем, специалистсем. Ял хуçалăх министрĕ С.Павлов доклад тунă, кăçалхи кăтартусемпе паллаштарнă. Министр тĕш тырăпа çĕр улми туса илес енĕпе мала тухнă районсене палăртнă. Вăл шутра Вăрмар районĕ те пур. Уява ЧР Президенчĕ М.Игнатьев хутшăннă. Ял хуçалăхне аталантарма патшалăх çитес çул та çителĕклĕ укçа-тенĕ уйăрасса шантарнă. Производствăра малта пыракансем çĕршыв тата республика наградисене тивĕçнĕ.