Публикации » Ырă вăрлăх ыр çимĕç патăр

25 октября 2011 г.

Вăрмар район администрацийĕн çул çитмен ачасемпе ĕçлекен комиссийĕ вĕсен прависене хÿтĕлессипе правăна хирĕç тунă ĕçсене чарса лартас енĕпе тĕрлĕ енлĕ ĕçсем туса ирттерет. 9 уйăх хушшинче асăннă комисси 17 ларура çул çитмен ачасемпе çыхăннă 114 ĕç пăхса тухнă. 81 çынна асăрхаттарнă, йĕркене пăсакан 44 çамрăка административлă явап тыттарнă - штраф тÿлемелле тунă. 8 материалпа ĕçе малалла тăсман, тепĕр ĕçе тĕплĕн тĕрĕслемелле тесе ярса панă, 3 материала çак кунсенче пăхса тухĕç. Район территорийĕнче кашни уйăхрах профилактика кунĕсем иртеççĕ. Вăл вăхăтра ял тăрăхĕнчи шкулсенче вĕренекенсемпе, ял тăрăхĕн администрацийĕсенче ĕçлекенсемпе йывăр лару-тăрура çитĕнекен ачасене воспитани парас енĕпе калаçусем ирттереççĕ. Наркомани, алкоголь, табак кÿрекен сиен пирки те калаçусем ирттересси йăлана кĕнĕ.