21 октября 2011 г.
Тăван хаçат «Хĕрлĕ ялав» -
Чун-кăмăлăм уççи.
Кунти статйи, сăвви, калав...
Пĕлÿлĕх «хутаççи».
Тăр кăнтăрла, каçпа-ирпе
Ăна вуланă май
Район хыпарĕ пĕтĕмпе
Пуçра юлать нумай.
Хастаррисен ĕç ÿсĕмне
Куратăн хаçатра.
Ĕççин пахалăх-тухăçне
Пĕлетпĕр вулавран.
Çынран илме ыр тĕслĕхне,
Паха ăс-хал пухма.
Хаçат уçать хăй «алăкне»
Пире кĕрсе тухма,
Хисеплеме те чыс тума
Ĕçри малтисене.
Е тав сăмахлăн ыр сунма
Пире хаçат чĕнет.
Чи лайăххи, мĕн пур çĕнни
Хаçат йĕркисенче -
Вăй-хал хушать Вăрмар çынни
Хĕрÿ ĕç вахтинче.
Ватти-вĕтти е шкул ачи
Вулаç хайлавсене.
Чи усăллă хыпар «тĕнчи»
Тухать шав куç умне.
Паха парне пек кил-йыша
Хаçат çĕнни килсен
Ун техĕмне, хакне, ăшпа
Чунпа туйса илен.
Мĕн чухлĕ сăн ÿкерчĕксем
Вăрмар ĕçченĕсен.
Хыпарсенче кăтартнисем,
Чуна çĕкленисем.
Пĕр сăмахне сиктермесех
Хаçатăм вуланать,
Çунат хушсан çак чун-чĕре
Татах хавхаланать.