18 октября 2011 г.
РФ Президенчĕн федерацин Атăлçи округĕнчи полномочиллĕ представителĕ Г.Рапота видеоконференци мелĕпе канашлу ирттернĕ, унта суйлав вăхăтĕнче граждансене хăрушсăрлăхпа тивĕçтерессин ыйтăвĕсене сÿтсе явнă.
Канашлу ĕçне Чăваш Ен Президенчĕ М.Игнатьев, федерацин Чăваш Республикинчи тĕп инспекторĕ Р.Тихонов, правăна сыхлакан органсен ертÿçисем, яваплă ытти çын хутшăннă.
Г.Рапота суйлав вăхăтĕнче граждансене хăрушсăрлăхпа тивĕçтермелли çинче тĕплĕн чарăнса тăнă. Уйрăммăн илсен пушар хăрушсăрлăхĕн, çыхăну тытăмĕсен ĕçне йĕркелессин, терроризм тата национализм палăрăмĕсем пулмалла маррин ыйтăвĕсене хускатнă. М.Игнатьев республикăра лару-тăру йĕркеллех пулнине, граждансене хăрушсăрлăхпа тивĕçтермешкĕн мероприятисем ирттернине палăртнă. Юлашкинчен республика пуçлăхĕ халăх йышлă пухăнакан вырăнсенче çеç мар, вĕренÿ тата культура учрежденийĕсенче те видеосăнав вырнаçтарассин ыйтăвне пăхса тухма сĕннĕ.