Публикации » Ăшă паманшăн

11 октября 2011 г.

Ăшăтмалли тапхăр пуçланнă май, район прокуратури тивĕçлĕ объектсене тĕрĕслерĕ. Район администрацийĕн пуçлăхĕн 186-мĕш номерлĕ йышăнăвĕпе килĕшÿллĕ сентябрĕн 29-мĕшĕнче хутса ăшăтма тытăннă. Çак ĕçе «Урмарытеплосеть» МУП пурнăçласа пырать. Çав кун 2010 çулхи 190-ФЗ номерлĕ «Ăшăпа тивĕçтересси çинчен» Федераллă саккунăн 20-мĕш статйине пăсса социаллă пĕлтерĕшлĕ 35 объекта тата нумай хваттерлĕ 65 çурта ăшăпа тивĕçтерме пуçламан. Сăлтавĕ - предприятин «Газпром межрегионгаз Чебоксары» тулли мар яваплă общество умĕнче газшăн тÿлемен парăм пурри. Вăл 4 млн та 323 пин тенкĕпе танлашать. Район прокуратури предприяти директорне хирĕç административлă ĕç пуçарнă, материалсене ЧР Патшалăх çурт-йĕр инспекцине тăратнă.