Публикации » Наркотике хирĕç

11 октября 2011 г.

Шупашкарта Атăлçи федераци округне кĕрекен регионсен наркотиксемпе кĕрешес енĕпе ĕçлекен комиссийĕсен семинар-канашлăвĕ иртнĕ. Унта пухăннисем «шурă вилĕме» хирĕç тăрассине вăл е ку регионта епле йĕркеленине тишкернĕ. Наркотикпе кĕрешекен патшалăх комитечĕн ертÿçин çумĕ С.Васильев чăвашсене чылай енчен лайăхпа палăртнă. Мероприяти савăнăçлă пулăмран - ЧР Президентне М.Игнатьева «шурă вилĕме» хирĕç тăракан органсене пулăшса пынăшăн тав тунинчен, ăна «Наркоконтроль органĕсене пулăшса пынишĕн» медальпе чысланинчен пуçланнă. Семинар-канашлура сăмах тухса каланă май республика Президенчĕ «шурă вилĕме» хирĕç тăрассипе влаç тата ертсе пыракан органсем, йĕрке хуралçисем, общество организацийĕсем, тĕн пĕрлешĕвĕсем килĕштерсе ĕçленин пĕлтерĕшне палăртнă, республика опычĕпе паллаштарнă.