Публикации » Вăрçă участникне - çурт-йĕр

06 сентября 2011 г.

«Ветерансем çинчен» Федераллă саккунпа килĕшÿллĕн вăрçă ветеранĕсене хăтлă çурт-йĕрпе е хваттерпе тивĕçтермеллине палăртнă. Çак саккуна пирĕн район администрацийĕ тĕллевлĕ пурнăçласа пырать. Акă иртнĕ çул 24 вăрçă ветеранне хваттерпе тивĕçтернĕ. 2010-2011 çулсенче 112 ветеран пурăнмалли çурт-йĕрлĕ пулнă. Вĕсенчен пĕри - Шăхаль ялĕнче пурăнакан Тăван çĕршывăн Аслă вăрçин участникĕ Нина Егоровна Медведева. Хальхи вăхăтра ăна валли асăннă ялта хăтлă çурт-йĕр хăпартассипе «Урмарская» коллективлă строительство организацийĕ» акционерсен хупă обществи ĕçлет. Нина Егоровна çурт-йĕр хăпартса панăшăн чунтан хĕпĕртет. Ватлăх çулĕнче уншăн çак чăн-чăн парне пулчĕ.