Публикации » Йÿнĕрех кредитпа - автомашина

06 сентября 2011 г.

«Росгосстрах» компанин Чăваш Енри филиалĕ, РФ Перекет банкĕн Çĕрпÿри уйрăмĕн Вăрмарти хушма офисĕ тата «Стар 21.КОМ», «ПРАЙД» тулли мар яваплă обществăсен автосалонĕсем йĕркеленипе иртнĕ кунсенче поселокра «Авточупу» ятпа акци ирттернĕ. Унăн тĕп тĕллевĕ - вырăнти халăха автомашинăсемпе кредит мелĕпе тивĕçтересси. Çакă туянакана уйрăмах меллĕ. Хальхи вăхăтра чылайăшĕ автокредит мелĕпе анлăн усă кураççĕ. Çав кун Вăрмарсемшĕн чăн-чăн уяв пулчĕ темелле. Ăна Вăрмарти хушма офисĕн пуçлăхĕ С.Петрова уçрĕ, акци тĕллевĕпе паллаштарчĕ. Çавăн пекех асăннă мероприятие РФ Перекет банкĕн Çĕрпÿри уйрăмĕн управляющин заместителĕ Л.Ситкова, «Росгосстрах» компанин Чăваш Енри филиалĕн тĕп специалисчĕ Н.Адскова тата ытти яваплă çынсем хутшăннă. Мероприятие театрализациленĕ куравпа йĕркеленĕ. Унта хутшăннисем валли ятарласа лотерея вылявĕ иртнĕ. Чылайăшĕ пысăк парнесене тивĕçнĕ.