24 мая 2011 г.
Шупашкарти «Олимпийский» стадионта çăмăл атлетикăпа Чăваш Республикин ăмăртăвĕсем тата чемпионачĕ иртнĕ. Унта районти чи вăйлă 50 çăмăл атлет хутшăннă.
Хăйсен ушкăнĕсенче малти призлă вырăнсене çаксем çĕнсе илнĕ. М.Миронов (Энĕшпуç) сăнă ывăтассипе тата 110 метра чăрмавсем урлă чупассипе пĕрремĕш вырăнсене çĕнсе илнĕ. А.Топтыгин (Çĕнĕ Мăнтăр) 5000 метра, С.Антонов (Вăрмар поселокĕ) 800 метра, С.Иванов (Патти) 1500 метра чупассипе иккĕмĕш, Т.Степанова тăршшĕне сикессипе иккĕмĕш вырăнсене тухнă. А.Линга (Чупай) 100 метра, Т.Степанова (Аслă Чак) 5000 метра, А.Егоров (Энĕшпуç) 100 метра, С.Максимов (Пысăк Енккасси) 110 метра чăрмавсем урлă чупса, Л.Агапова (Вăрмар поселокĕ) йĕтре тĕртсе виççĕмĕш вырăнсем йышăннă. Çĕнтерÿçĕсене тата призерсене дипломсемпе тата медальсемпе наградăланă.
Пĕтĕмĕшле итогсемпе пирĕн район команди улттăмĕш вырăн йышăннă.