20 мая 2011 г.
Вăрмарти ачасен искусство шкулĕнче Н.Иванов вĕрентнĕ пулнă, халĕ Чăваш патшалăх университетĕнче V курсра вĕренекен, регион конкурсĕн лауреачĕ Ю.Сергеев баянист пысăк профессионаллă концерт лартса пачĕ. Ăна университетра баянпа ăста выляма ЧР тава тивĕçлĕ артисчĕ Н.Гараев хатĕрленĕ. Университетран кăçал вĕренсе тухакан Ю.Сергеев тĕнче шайĕнчи нумай классиксен кĕввисене профессионаллăх енĕпе баян çинче шăрантарнине залра итлекенсем нумайччен тăвăллăн алă çупса саламларĕç.
Талантлă баяниста тăван шкулне татах та концертсемпе килме сĕнчĕç, нумай тав сăмахĕсем каларĕç, грамота парса чысларĕç.