АУ «РЕДАКЦИЯ УРМАРСКОЙ РАЙОННОЙ ГАЗЕТЫ "ХĔРЛĔ ЯЛАВ" ("КРАСНОЕ ЗНАМЯ") МИНИНФОРМПОЛИТИКИ ЧУВАШИИОФИЦИАЛЬНЫЙ САЙТ

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Вĕренекенсен пултарулăхĕ савăнтарать

20 мая 2011 г.

Кăçал Г.Лебедев ячĕллĕ наци интернат музейĕнче Чăваш чĕлхи кунне, чăваш халăхне çутта кăларассишĕн ырми-канми ĕçленĕ И.Я.Яковлевăн çуралнă кунне халалласа ирттерекен çамрăк çыравçăсен «Букварьтен - илемлĕ литературăна çити» конкурсĕ - 14-мĕш хут иртнĕ.

Ăна йĕркелесе ирттерекенĕсем - Чăваш Республикинчи вĕрентÿпе çамрăксен политикин Министерстви, чăваш писателĕсен союзĕ, «Тантăш» хаçат редакцийĕ, Г.Лебедев ячĕллĕ лицей. Районти шкулсенче вĕренекенсем çак конкурса çулран-çул ытларах та ытларах хутшăнса пынине палăртма кăмăллă.

Конкурсăн иккĕмĕш турне хутшăнма районтан 7 ача тивĕçлĕ пулнă: Кĕтеснер шкулĕнчи Т.Никифорова (7-мĕш класра вĕренекен, вĕрентекенĕ - Г.Николаева), «Поэзи» номинацире, Аслă Чак шкулĕнчи Т.Мельникова (7 кл., вĕрентекенĕ Р.Теплова), «Очерк» номинацире Мăнçырма шкулĕнчи А.Леонтьева (8 кл., вĕрентекенĕ Т.Цыркунова) хăйне прозăра та, поэзире те тĕрĕслесе пăхма кăмăл тунă. Тикаш шкулĕнчи А.Иванова (8 кл., вĕрентекенĕ З.Илларионова) «Поэзи» номинацире, Пысăк Енккасси шкулĕнчи М.Тимофеева (7-а кл., вĕрентекенĕ А.Васильева), А.Викторова (вĕрентекенĕ И.Иванова), «Проза» номинацире, Г.Русскова, (И.Иванова) - «Очерк» номинацире. Иртнĕ çулсенче республикăри шкулсенче вĕренекенсенчен 65-70 ал çырăвĕ килнĕ пулсан кăçалхи конкурса 200 ал çырăвĕ килнине палăртрĕ жюри председателĕ Г.Краснов писатель, 70 ачана иккĕмĕш тура чĕннĕ. Хула шкулĕсенчи ачасенчен те ĕçсем ытларах пулнă. Конкурса хутшăнакан ачасен йышĕ ÿссе пынинче вĕсен вĕрентекенĕсен ĕçĕ курăмлине палăртрĕ, тав сăмахĕ каларĕ.

Лицейра музыка класĕсенче вĕренекенсем хăйсен пултарулăхĕпе паллаштарнă хыççăн ăсталăх урокĕсене секцисемпе пайланса ирттерчĕç. «Поэзи» секцине С.Асаматпа Н.Ишентей поэтсем ертсе пычĕç. Конкурса килнĕ ачасене хăйсен сăввисене вулаттарчĕç, кирлĕ кăтартусем пачĕç, сăвă çырас ăсталăх çулсерен ÿссе пынине палăртрĕç.

Ал çырăвĕсен теми анлă. Сăвăсенче тĕп вырăнта - чăваш чĕлхи, атте-анне, çут çанталăк, юратнă вĕрентекенсем, чĕр чунсем. Çулталăкри паллă пулăмсене халалланă. Космонавтика çулталăкне, Я.Ухсай поэт çуралнăранпа 100 çул çитнĕ ятпа çырнă сăвăсем те пур. Т.Мельникова хăйĕн «Пирĕштийĕм» очеркĕнче юратнă кукамăшĕ çинчен çырнă. Г.Русскова «Пушарсем мĕн патне çитереççĕ» очерк, М.Тимофеева «Муçка», А.Викторова «Тавах, «Çиçĕм», А.Леонтьева «Инкеке куççульпе çăваймăн» калавсем çырнă.

Иккĕмĕш турта хутшăнма тивĕçлĕ пулнă ачасен вĕрентекенĕсене пурне те Хисеп хучĕ пачĕç, диплома тивĕçеймен вĕренекенсене хавхалантару грамоти парса чысларĕç.

Аслă Чак шкулĕнчи Т.Мельникова очеркистсем хушшинче 3-мĕш вырăн, Пысăк Енккасси шкулĕнчи А.Викторовапа М.Тимофеева калав çыракансем хушшинче 3-мĕш вырăн, Тикаш шкулĕнчи А.Иванова сăвă çыракансем хушшинче 2-мĕш вырăн йышăнчĕç. Вĕсем пурте ЧР вĕрентÿпе çамрăксен политикин министерствин дипломне, «Тантăш» редакцийĕн Хисеп хутне, тĕрлĕрен парнене тивĕçрĕç.

Чи пултаруллине - Элĕк районĕнчен килнĕ вĕренекенсене - «Орленок» лагере кайма путевка пачĕç.

Мой МирВКонтактеОдноклассники

Яндекс.Метрика

 

Система управления контентом
TopList Сводная статистика портала Яндекс.Метрика