17 мая 2011 г.
Республика кунĕ çывхарать. Кăçал ăна Шупашкарта тата Çĕрпÿ районĕнче паллă тăвĕç. Çак кунсенче Чăваш Ен премьер-министрĕ О.Макаров ертсе пынипе уява хатĕрленес тата ирттерес енĕпе ĕçлекен йĕркелÿ комитечĕ ларура тĕп ыйтусене пăхса тухнă. ЧР Министрсен Кабинечĕн Председателĕн çумĕ - Республика Президенчĕн Администрацийĕн ертÿçи А.Иванов программăна экономикăна тата социаллă пурнăçа аталанма пулăшакан пĕлтерĕшлĕ мероприятисем кĕртнине палăртнă.
Раççейĕн 50 регионĕнчен, 4 çĕршывран хăнасем килсе çитĕç. Ал ăстисен, сувенир продукцийĕн «Чăваш Ене йыхравлатпăр», «Республикăн пĕчĕк тата вăтам бизнесĕ» куравĕсем уçăлĕç. «Раççей çăл куçĕсем» халăх пултарулăх фестивальне, «Раççей ăстисем» конкурса халăх йышлăрах хутшăнĕ.