17 мая 2011 г.
2011 çулхи майăн 19-мĕшĕнче Чăваш Республикин Сывлăх сыхлавĕпе социаллă аталану министерствин Шупашкарти «Республикăри ÿтпе венерологи диспансерĕ» Сывлăх сыхлавĕн патшалăх учрежденийĕнче тата унăн республикăри ытти уйрăмĕсенче «Уçă алăксен кунĕ» иртет. Кунта çынсем анонимлă майпа тÿлевсĕр хăйсен сифилис, гонорея, трихомониаз чирĕсем пуррипе çуккине тĕрĕслеттерме май пур. Çавăн пекех пациентсем ар органĕсем урлă ерекен чирсем тата ВИЧ-инфекци пирки консультаци илме пултараççĕ. Сывлăх пуринчен те пахине шута илсен хамăр организмра пулса иртекен улшăнусене вăхăтра тĕрĕслеттересчĕ. Тем каласан та сывă çын чунĕпе те, кĕлеткипе те хитре.
Анонимлă тĕрĕслев çак адрессемпе иртет: Шупашкар хули, Пирогов урамĕ, 6 çурт. Тел.: 58-37-45, 58-44-39, 58-44-09; Канаш, Канаш урамĕ, 7 çурт. Тел.: (835-33) 2-18-07.