Публикации » Чылайччен асра юлĕ

17 мая 2011 г.

Вăрмарти пĕрремĕш Г.Е.Егоров ячĕллĕ вăтам шкулти 8 а класра Аслă Çĕнтерÿ ячĕпе сценариллĕ литература каçĕ иртнĕ. Ăна Н.Пархатарăн вăрçă темипе çырнă «Чĕре суранĕ» кĕнекинчи поэмисемпе сăввисенчен йĕркеленĕ. Г.Корытникова тата Н.Тухтаманова библиотека ĕçченĕсем литература каçне ертсе пычĕç. Н.Ивановăн творчествипе паллашнă май автор хăй «Вăрçă суранĕ» поэмăн сыпăкне, «Юлашки çыру» сăввине пăхмасăр вулани итлекен ачасене пысăк туйăмлă шухăша ячĕ. Вăрçă тапхăрĕ куç умне тухрĕ. Тĕл пулурах «Ашшĕн сăмахĕ», «Хăюлли», «Ветерансем» тата ытти вăрçă темипе çырнă сăвăсем те шăранчĕç. Хамăр ентешĕмĕр Ю.Иванов афганец çинчен хайланă «Çĕршыв куççулĕ» поэмăна вулани ачасен чунĕсенче хурлану туйăмĕ чĕртрĕ. Вĕренекенсем литература каçĕнче Н.Пархатара парне пачĕç. Сăвă-поэмăсен авторĕ класа хăйĕн «Чĕре суранĕ» поэмисен кĕнекине парнелерĕ. Литература тĕл пулăвĕ ăнăçлă та усăллă иртрĕ.