17 мая 2011 г.
РФ Следстви комитечĕн Чăваш Республикинчи Следстви управленийĕн Çĕрпÿри районсем хушшинчи следстви пайĕ Çĕрпÿ, Куславкка, Красноармейски, Вăрмар районĕсемпе ĕçлет. 2010 çулта та ĕç сыхлавĕн сферинче сиен тÿснĕ работниксен конституци прависене хÿтĕлессипе ятарлă ĕçсем туса ирттернĕ. Иртнĕ çул организацисенче ĕç сыхлавне пăснă 11 тĕслĕхпе процессуаллă тĕрĕслевсем ирттернĕ. Тĕрĕслев ирттернĕ хыççăн пĕр тĕслĕхĕ тăрăх уголовлă ĕç пуçарнă, ĕç сыхлавне пăснă тепĕр 10 тĕслĕх тăрăх сăлтавсем çитменнине кура уголовлă ĕç пуçарма ирĕк паман.
РФ УК 143 статйи тăрăх ĕçри тимсĕрлĕхе пула çыннăн сывлăхĕ йывăр сиенленнĕшĕн, ĕçлекен вилнĕшĕн должноçри яваплă çынсене 3 çул таранччен ирĕкрен хăтараççĕ.
Çапла 2010 çулхи октябрĕн 10-мĕшĕнче Куславкка районĕнчи пĕрремĕш номерлĕ суд участокĕн миравай судйи «Юсавпа механика цехĕ – К» тулли мар яваплă обществăн тĕп инженерĕ П.Баганов ячĕпе РФ УК 143 статйи тăрăх айăплав йышăннă. Следстви тĕпчевĕ, суд тăрăх П.Баганов тимĕр савăт тумалли проекта çирĕплетмесĕр, тивĕçлĕ ирĕк илмесĕр сварщик удостоверенине тăсман А.Матвеев газоэлектросварщике çак савăта тума хушнă. Савăта тунă хыççăн 12 сехет тĕлнелле саккуна пăсса, ятарлă организацине чĕнсе илмесĕр П.Баганов А.Матвеева çак савăтăн сывлăш яманлăхне сывлăшпа тултарса тĕрĕслесе пăхма хушнă. Çакăн пек майпа тĕрĕслев ирттернĕ вăхăтра савăт çурăлса кайнă, А.Матвеевăн сулахай ури талса ÿкнĕ, кĕлеткин ытти пайĕсем йывăр суранланнă. Çапла П.Баганова сварщике йывăр сиен кÿнĕшĕн суд йышăнăвĕ тăрăх 40 пин тенкĕлĕх штрафланă.
2011 çулхи апрелĕн 7-мĕшĕнче РФ Следстви комитечĕн Чăваш Республикинчи Следстви управленийĕн Çĕрпÿри районсем хушшинчи следстви пайĕ тепĕр уголовлă ĕç пуçарнă. «Воддорстрой» тулли мар яваплă общество ĕçченĕн кĕлетки Çĕрпÿ районĕнчи Чурачăк ялĕнче çурт сÿтнĕ вăхăтра йывăр сиен тÿснĕ. Çапла ĕç сыхлавĕн правилисене пăснине пула çак организаци ĕçченĕн сывлăхĕ йывăр сиенленнĕ. Хальхи вăхăтра айăплă çынсене айăпламалли тата уголовлă ĕçе суда ямалли доказательствăсене пуçтараççĕ.