Публикации » Кавир çинче - пулас чемпион

13 мая 2011 г.

Дзюдо енĕпе кĕрешсе ЧР Президенчĕн Кубокне çĕнсе илессишĕн Çĕнĕ Шупашкарта ирттернĕ республикăри ăмăртăва 1996-1997 çулсенче çуралнă арçын ачасемпе хĕр ачасем хутшăннă. Шкул ачисен XIII спартакиади шучĕпе иртнĕ тупăшура пирĕн район спортсменĕсем те палăрмаллах çитĕнÿсем тунă. 87 килограмм ытларах таякан спортсменсем хушшинче Кирилл Михайлов пĕрремĕш вырăн йышăннă. 55 килограмран йывăртараххисенчен Александр Федоров виççĕмĕш пулнă. Хăйсен виçисенче Дмитрий Алексеевпа Дмитрий Никитин пиллĕкмĕш вырăнсене тухнă. Республикăра мала тухассишĕн ирттернĕ дзюдоистсен кĕрешĕвĕ те çивĕч иртнĕ. Хĕрÿ тупăшура 55 килограмлă спортсменсем хушшинче Вăрмарти Г.Е.Егоров ячĕллĕ вăтам шкулта 5-мĕш класра вĕренекен, малашлăхра пысăк шанăç паракан Евгений Орлов çĕнтерÿçĕ пулнă. Хăйсен ушкăнĕсенче Данил Семеновпа Дмитрий Петров пиллĕкмĕш вырăнсене тивĕçнĕ. Пултаруллă спортсменсене кĕрешÿри ăсталăха туптама СССР спорт мастерĕсем - Л.Уливановпа Н.Сейфуллин тренерсем хăнăхтараççĕ.